世界閱讀日

琴日係世界閱讀日,雖然上咗大學之後少咗機會同時間睇書,但係由細到大我都好享受睇書,書帶俾我嘅除咗知識之外,仲有好多樂趣,同埋反省自己同埋認識社會議題嘅機會。透過閱讀我哋可以認識好多新嘅生字,增強我哋嘅理解能力,呢樣亦都係寫作嘅基礎。透過閱讀我哋可以變得更加有想像力,透過作者嘅文字去想像書入邊嘅情景,從而代入,令我哋好似置身於本書嘅劇情裏面咁。

點樣係屋企鼓勵小朋友閱讀？ 1. 伴讀 唔好一味覺得係小朋友需要閱讀, 陪小朋友閱讀可以增進親子關係,仲可以一齊討論書入邊嘅內容,令小朋友覺得閱讀係一件好溫馨嘅事,一齊享受閱讀嘅樂趣, 當然如果家長講故事講得生動有趣,小朋友一定會更加鍾意 2. 以身作則 家長係屋企嘅空餘時間都可以多啲睇書, 小朋友成日望到你攞住本書, 自然覺得好奇你睇緊啲咩, 或者會引起佢嘅興趣, 連佢自己都去攞一本書坐係你隔離一齊睇 3. 一定要揀小朋友有興趣嘅書 大人同小朋友一樣, 牛唔飲水唔噤得牛頭低, 如果小朋友唔想睇我哋揀逼佢睇, 只會令佢更討厭閱讀 4. 選擇書本 如果小朋友本身好少睇書, 又冇咩興趣, 可以首先選擇一啲有出卡通片或者相應玩具嘅書, 例如Peppa Pig, My Little Pony, Thomas, Disney嘅書, 或者先買玩具比佢或者俾佢睇套戲, 令佢認識左個故事或者人物再去睇書, 佢哋就會冇咁反感 希望越來越多小朋友鐘意閱讀！📚📚