《便利店人間》

為響應今個星期一既世界閱讀日，今日想分享一本我近期十分喜歡既一本書—便利店人間。 《便利店人間》 第155屆芥川賞得獎作品 作者 村田沙耶香

內容簡介 到底，什麼才是所謂的「正常」？ 和這社會不一樣，真的不行嗎？

只有擁有完美生活指南的便利商店， 才能讓我得以成為這世界正常的「零件」。

36歲未婚女性古倉惠子，大學畢業後沒有就職， 在便利商店打工已歷經18個年頭，至今未交過男朋友。 從日色町站前的微笑超商開店起，便一直在該店工作，不斷目送同事更迭，店長也已是第八任了。 每天吃的是便利商店賣的食物，喝的是便利商店的水，就連睡著都夢到自己在櫃檯收銀，望著清爽乾淨宛如透明盒子的便利店景象。 「歡迎光臨！」的招呼聲，每天都陪伴著惠子入眠。

某天，以尋找結婚對象而加入打工行列的男人白羽， 卻對惠子的生活方式提出質疑： 「妳不覺得丟臉嗎？」

從此，惠子向來信奉的價值被徹底顛覆了， 失去基準的她，能找回真正的自我嗎？

其實，你我都是便利店人間。 我們在普世社會中，默默都被灌輸了既定的觀念，認為做為一個「人」，該有什麼樣的思想、行為，因此，對於不同於己的事物會產生排斥。 作者以容易理解且常見的兩個議題， 「工作」與「婚姻」做為全書的主旨， 加上「年齡」與「性別」的框架， 探討所謂「正常」和「異常」的關係， 是一本相當有深度的小說。

Janice: 呢本書確實係十分有深度，內容寫實，好有感染力，可以令讀者，包括我自己，有深切嘅反思。 喺香港嘅社教化底下，我深信每個人都應該有上進既心，為自己，為家人，為社會進步。對呢個想法我一直深信不疑，尤其因爲我一直認為自己好幸運咁搵到自己既passion同目標，好希望其他人同我既學生都可以。我承認，呢個想法某程度好天真，好理想化，但樂觀嘅我係確確實實咁相信呢件事。

喺呢個社會(好多亞洲社會亦然，特別係書中既日本)，好多人都會對”人生” (尤其係別人既人生)好有多意見，畢業應該點點點，入政府，報AO EO, 讀postgrad, 入大公司，之後一世唔洗憂。做labour intensive 既工種就等於頹，冇上進心，冇好好為將來諗。大家都有對別人既人生有一條方程式，覺得點樣先係對佢地好，同我地唔同價值觀既人就比定義為”異類”, “反社會”。當然，我不時都會墮入呢個思想嘅陷阱。

但睇完書中古倉惠子嘅故事，開始令我反思究竟咩係”正常”呢？我地呢啲貌似正常既人，經常用自己既價值觀去judge人地既生活，對人地帶來幾大既包袱同負擔呢？我地judge人既同時，又有冇了解過佢地既心路歷程呢？理解過佢地既感受呢？其實會唔會我地既行為，都係造成佢地”異常”既原因之一呢？書入面既大家都係一直咁睇古倉惠子，佢哋覺得佢畢咗業咁多年，仲係做便利店，仲係冇男朋友仲係未結婚，真心十分為佢擔心。我一開始都係咁樣睇佢，覺得佢唔入流，但事實證明古倉惠子喺便利店搵到自己，搵到自己既價值，佢喺服務客戶中搵到滿足感，佢更唔介意自己冇男朋友，只要佢一直照顧到自己。咁呢個情況又點計呢？

有時呢啲嘢真係冇對錯，只有觀點與角度嘅分別。但我喺呢本書帶得走嘅，就係我既反思同我既成長。我希望我可以少啲judge人地，多啲了解。講到底，除咗你自己，冇人可以為你既人生負責。快樂才是最重要的。